टीम आवाज मराठी जळगाव | १४ जुलै २०२३ | सध्या महाराष्ट्राच्या राजकारणात राजकीय उलथा पालथ करून अजित पवार यांनी राष्ट्रवादी काँग्रेस सोबत शिंदे फडणवीस सरकारला पाठिंबा दिला. शिंदे फडणवीस सरकारने अजित पवार यांच्या गटाला मंत्रिमंडळात सहभागी करून तेरा दिवस उलटून सुद्धा तरीही राष्ट्रवादी काँग्रेसच्या नऊ मंत्र्यांना खात काही मिळालेले नव्हते पण आताच महाराष्ट्राच्या मंत्रिमंडळामध्ये नवनियुक्त मंत्र्यांच्या बरोबरच सध्याच्या मंत्र्यांच्या खात्यांमध्ये काही फेरबदल करून मुख्यमंत्री एकनाथ शिंदे यांनी आजच खातेवाटप जाहीर करण्यात आले आहे. राज्यपाल रमेश बैस यांनी मंजुरी दिल्यानंतर सदर खातेवाटप केले आहे. अजित पवार यांना अर्थ खाते देण्यासाठी गेल्या १२ दिवसापासून खातेवाटप रखडले होते. ही बाब अमित शहांच्या दरबारात पोहचल्यानंतर अर्थ खाते अजित पवार यांच्याकडे राहील, असे ठरविले गेले. त्यानुसार अजित पवार अखेर अर्थमंत्री झाले.
मुख्यमंत्री एकनाथ शिंदे यांच्याकडे सामान्य प्रशासन, नगर विकास, माहिती व तंत्रज्ञान, माहिती व जनसंपर्क, परिवहन, सामाजिक न्याय, पर्यावरण व वातावरणीय बदल, खनिकर्म आणि इतर कोणत्याही मंत्र्यांना वाटप न केलेले विभाग ही खाती असतील. उपमुख्यमंत्री देवेंद्र फडणवीस यांच्याकडे गृह, विधी व न्याय, जलसंपदा व लाभक्षेत्र विकास, ऊर्जा, राजशिष्टाचार ही खाती असतील. उपमुख्यमंत्री अजित पवार यांच्याकडे वित्त व नियोजन हे खाते राहील.
महाराष्ट्राचे नवनियुक्त मंत्रिमंडळ खालीलप्रमाणे आहे.
१) राधाकृष्ण विखे-पाटील – महसूल, पशुसंवर्धन आणि दुग्ध व्यवसाय विकास
२) सुधीर सच्चिदानंद मुनगंटीवार- वने, सांस्कृतिक कार्य, व मत्स्य व्यवसाय
३) चंद्रकांतदादा बच्चू पाटील – उच्च व तंत्रशिक्षण, वस्त्रोद्योग आणि संसदीय कार्य
४) विजयकुमार कृष्णराव गावित- आदिवासी विकास
५) गिरीष दत्तात्रय महाजन- ग्राम विकास आणि पंचायत राज, पर्यटन
६) सुरेशभाऊ दगडू खाडे- कामगार
७) रवींद्र दत्तात्रय चव्हाण – सार्वजनिक बांधकाम (सार्वजनिक उपक्रम वगळून),
८) मंगलप्रभात लोढा- कौशल्य विकास, उद्योजकता व नाविन्यता
९) अतुल मोरेश्वर सावे – गृहनिर्माण, इतर मागास व बहुजन कल्याण
११) छगन भुजबळ – अन्न व नागरी पुरवठा व ग्राहक संरक्षण
११) दिलीपराव दत्तात्रय वळसे-पाटील – सहकार
१२) हसन मियाँलाल मुश्रीफ – वैद्यकीय शिक्षण व विशेष सहाय्य
१३) धनंजय पंडितराव मुंडे – कृषि
१४) धर्मरावबाबा भगवंतराव आत्राम – अन्न व औषध प्रशासन
१५) कु. अदिती सुनिल तटकरे – महिला व बालविकास
१६) संजय बाबुराव बनसोडे – क्रीडा व युवक कल्याण, बंदरे
१७) अनिल पाटील – मदत पुनर्वसन, आपत्ती व्यवस्थापन.
१८) गुलाबराव पाटील- पाणीपुरवठा व स्वच्छता
१९) दादाजी दगडू भुसे- सार्वजनिक बांधकाम (सार्वजनिक उपक्रम) शिंदे फडणवीस आणि अजित पवार एकत्र फोटो
२०) संजय दुलिचंद राठोड- मृद व जलसंधारण
२१) संदीपान आसाराम भुमरे- रोजगार हमी योजना व फलोत्पादन
२२) उदय रविंद्र सामंत- उद्योग
२३) प्रा.तानाजी जयवंत सावंत- सार्वजनिक आरोग्य व कुटुंब कल्याण
२४) अब्दुल सत्तार- अल्पसंख्याक विकास व औकाफ, पणन
२५) दीपक वसंतराव केसरकर- शालेय शिक्षण व मराठी भाषा
२६) शंभूराज शिवाजीराव देसाई- राज्य उत्पादन शुल्क
