टीम आवाज मराठी, जळगाव दि. 05 ऑक्टोबर 2024 :- शहरातील म्युनसिपल कॉलनी परिसरात राहणाऱ्या ३६ वर्षीय तरूणाने राहत्या घरात गळफास घेवून आत्महत्या केल्याची घटना गुरूवार ३ ऑक्टोबर रोजी सायंकाळी ७ वाजता उघडकीला आले आहे. आत्महत्या करण्याचे कारण समोर आलेले नाही. याबाबत रामानंद नगर पोलीस ठाण्यात अकस्मात मृत्यूची नोंद करण्यात आली आहे.
विकास अरूण बाविस्कर (वय ३६) रा. म्युन्सीपल कॉलनी, जळगाव असे मयत झालेल्या तरूणाचे नाव आहे.
विकास बाविस्कर हा तरूण आपल्या कुटुंबासह म्युन्सीपल कॉलनी परिसरात वास्तव्याला होता. खासगी नोकरी करून आपला उदरनिर्वाह करत होता. गुरूवार ३ ऑक्टोबर रोजी सायंकाळी ७ वाजेच्या सुमारास त्याने राहत्या घरात गळफास घेतला. हा प्रकार नातेवाईकांच्या लक्षात आल्यानंतर त्यांनी खाली उतरवून तातडीने जिल्हा शासकीय वैद्यकीय महाविद्यालयात दाखल करण्यात आले असता वैद्यकीय अधिकारी यांनी मयत घोषीत केले.
याप्रकरणी रामानंद नगर पोलीस ठाण्यात अकस्मात मृत्यूची नोंद करण्यात आली. पुढील तपास पोहेकॉ प्रविण जगदाळे हे करीत आहे.
