टीम आवाज मराठी जळगाव-‘ परिवर्तन जिगीषा सन्मान महोत्सवाच्या ‘ निमित्ताने जळगाव शहरातील भांऊच्या उद्यानातील आर्ट गॅलरीत जिगीषा संस्थेच्या नाट्यप्रवासाच्या छायाचित्रांचे प्रदर्शन भरवण्यात आले आहे. या प्रदर्शनाचे उद्घाटन समाजकल्याण विभागाचे उपायुक्त विजय वाकुलकर यांच्या हस्ते फीत कापून कऱण्यात आले. याप्रसंगी जळगाव जिल्ह्य माहिती अधिकारी युवराज पाटील, समाजकल्याण विभागाचे सहाय्यक उपायुक्त योगेश पाटील , परिवर्तन प्रेक्षक सभासद योजनेचे प्रमुख अनिस शहा, अनिल कांकरिया, परिवर्तनचे अध्यक्ष शंभू पाटील, विनोद पाटील प्रा मनोज पाटील यांच्या प्रमुख उपस्थितीत करण्यात आले. “जिगीषा” ही संस्था मराठी रंगभूमीवरील एक क्रियाशील संस्था म्हणून ओळखली जाते. मराठवाड्यातील संभाजीनगर येथे 40 वर्षांपूर्वी स्थापन झालेल्या जिगीषाने उत्तमोत्तम नाटकांची, सिनेमांची निर्मिती केली असून हा संपूर्ण प्रवास छायाचित्रातून उलगडण्यात आला आहे. या छायाचित्रांचे प्रदर्शन म्हणजे जिगीषाचा जिवंत प्रवास आहे असे मत माहिती अधिकारी युवराज पाटील यांनी व्यक्त केले. हे प्रदर्शन सर्वांसाठी खुले आहे.
परिवर्तन जिगीषा सन्मान महोत्सवाचे आज उद्घाटन
जेष्ठ दिग्दर्शक चंद्रकांत कुलकर्णी व प्रशांत दळवी यांची प्रमुख उपस्थिती
महोत्सवाचे उद्घाटन आज शुक्रवारी सायं. ५ वा गणपती नगर मधील रोटरी हॉल येथे होणार असून जिगीषाचे प्रमुख जेष्ठ दिग्दर्शक चंद्रकांत कुलकर्णी, जेष्ठ नाट्यलेखक प्रशांत दळवी व अजय आंबेकर यांची प्रमुख उपस्थिती असणार आहे. या प्रसंगी “प्रवास जिगीषाचा, अनुभव आमचा” या विषयावर चर्चा होणार असून यात नाटककार प्रशांत दळवी, दिग्दर्शक चंद्रकांत कुलकर्णी, अभिनेते संदिप मेहता, अजय आंबेकर, हर्षल पाटील यांचा सहभाग असणार आहे. या उपक्रमाला रतनलाल सी बाफना ज्वेलर्स , भवरलाल अँड कांताबाई जैन फाउंडेशन व रोटरी क्लब गणपती नगर यांचे सहकार्य लाभले आहे. कार्यक्रमाला रंगकर्मी व रसिक प्रेक्षकांनी उपस्थिती द्यावी असे आवाहन परिवर्तन प्रेक्षक सभासद योजनेचे प्रमुख अनिल कांकरिया, अनिस शहा, नंदलाल गादिया, किरण बच्छाव, अमरभाई कुकरेजा, छबीराज राणे, नारायण बाविस्कर, शंभू पाटील यांनी केले आहे. यशस्वीतेसाठी मंजुषा भिडे, सुदिप्ता सरकार, होरिलसिंग राजपूत, विनोद पाटील, प्रा. मनोज पाटील, मंगेश कुलकर्णी, अभिजीत पाटील, सुनील बारी, राहुल निंबाळकर, प्रवीण पाटील , अंजली पाटील , नेहा पवार , अक्षय नेहे, लीना लेले हे प्रयत्नशील आहेत .
